euskadi.eus
euskadi.eus
euskadi.eus

Euskadi, pandemiaren kudeaketagatik balorazio onena jaso duten europako eskualdeen artean

Argitalpen-data: 

Irekia

Gobernuaren Kalitatearen Europako Indizeak 208 eskualdetako 129.000 pertsonaren iritziak jasotzen ditu
Euskadi leku nabarmenean dago Covid 19 pandemiaren kudeaketan beren gobernuaren kalitateari dagokionez biztanleriak hobekien baloratutako Europako eskualdeen rankingean, duela gutxi Gottenburgoko Unibertsitateak (Suedia) argitaratutako azterlan baten arabera. Hain zuzen ere, txosten honen arabera, Euskadi Espainiako Estatuko lehen postuan kokatzen da.

Gobernuaren Kalitatearen Europako Indizeak (Equi 21ak) Europar Batasuna osatzen duten 27 herrialdeetako 208 eskualdetatik 129.000 pertsona baino gehiagoren iritziak biltzen ditu, eta, beraz, estatuz azpiko gobernuek pandemiari eta kudeaketari buruz orain arte egindako inkesta osoenetako bat da.

Azterketa hori 2020ko urritik 2021eko otsailera bitartean egin zen, Europako biztanleen iritziak ezagutzeko eta neurtzeko une bereziki dramatikoan, Covid 19 pandemian, alegia. Lan horri esker, ondorio garrantzitsuak atera ahal izan dira zerbitzu publikoen kalitateari buruz, hiru sektore nagusitan, osasun-krisiaren ondorioen kudeaketan eta haren erantzunean, hala nola, laguntza medikoan, hezkuntzan eta legearen aplikazioan.

Ondorioen artean, azterlanak adierazten du gobernu-kalitate hobea duten eskualdeetako herritarrak ez daudela hain kezkatuta pandemiaren ondorio ekonomikoekin eta osasun-ondorioekin, eta litekeena dela haien arduradunek krisia ondo kudeatu dutela hautematea.

Euskadi, auzolana